{ كل ماشفتك ح بيبي // قال قلبي إيه أبيه

بأعترف لك إعتراف
وبصمتي تشهد عليه
إعتراف يحكي حقيقه
ولايكون الرد ليه ..؟
أنا أحبك إيه أحبك
وشوف قلبي وإسأله
وفوق حبي لك مشاعر
تنطق بشوق الوجيه
كل ماشفتك حبيبي
قال قلبي إيه أبيه
هذا هو اللي أحبه
وأعشقه وأموت فيه
هذا هو اللي هزمني
وخلى أشواقي تجيه
هذا هو اللي هويته
ليتني لاشتقت أجيه
بأعترف وهذا إعترافي
إن قلبي لك وافي
وإنك أغلى من يكون
وإن حبي لك كافي
وإن شوفك للجروح
طبها اللي كان شافي
يابعد حاضر وغايب
ياسبب إبداع قافي
إنت يابسمة شفاتي
حبي اللي جاك صافي
صرت صوره في عيوني
أنظرك لو كنت غافي
نوري الضاوي أشوفه
فيك يوم النور طافي
وعشقي اللي ماحكيته
جاك واضح وجاك خافي
بردي لاحرك غصوني
في حماك يصير دافي
وصيفي لازاد السراب
ينتعش لاجيت لافي
كيف أعبر كيف أقول
وأنت حلي والحلول
كل كلمه قلتها
ماتجي ربع الميول
لأني أحمل لك غرام
يبهر أصناف العقول
مايترجم بالكلام
ولايترجم بالشمول
يكسي الصحرا ورود
والزهر يغزي الفصول
حب ماهو حب عادي
ولاهو مجرد فضول
حب عمره مايموت
بالأمل عمره يطول
حب يملك حس صادق
عيبه إنه بس "خجول"
ماقدر يظهر حنينه
ولاقدر يخفي ونينه
عنده أشعار وأغاني
وصارت أشواقه سجينه
إن حكى تصمت حروفه
وإن صمت يحكي أنينه
عنده أسرار وموده
باقيه لآخر سنينه
وعنده للحب معنى
يعتلي قمة جبينه
كيف أعبر عن مداك
وكيف أوضح لك غلاك
قلي أرجوك بعباره
فيها أوصل مستواك
كلمه قبلي ماحكوها
لك ماهيب لسواك
تشفي لاجتك المواجع
وتصبح النور لسماك
ودي أبعثها بليل
ولاتنام إلا معاك
أو تجي وقت النهار
وتصبح الضيف لمساك
أو تنطقها شفاهي
ولجروحك هي دواك
تخبرك عني
وعن قلبي اللي فيك جن
وعن مدارات السهر
وعن محطات الزمن
لين تقنعك بشعوري
اللي ماعمره وهن
دايم في سيرتك يسرح
لين حبك صار فن
حطم أرقام المحبه
وإنتهك حد الأمن
أعشقك عشق الصراحه
وعشقي أرسل لك رماحه
أكبر من إنك تخيل
أو تقيسه في مساحه
يعجز التعبير يكتب
مهما كانت له فصاحه
عن وجودك في حياتي
وإني أشعر بإرتياحه
وإنك "الحب الحقيقي"
اللي غطاني وشاحه
وإن بغيت أكثر أزيدك
إني نبضه في وريدك
وإني أستلهم وجودي
لادفت إيدي بإيدك
وإني أحزن لافقدتك
والفرح عيده بعيدك
ماأذكر إني قد نسيتك
وأذكر إني بس أريدك
وكانها الدنيا قديمه
أنا بالدنيا جديدك
أنا ياقلبي وجودك
كان ضاقت بك حدودك
وإن تبي الضحكه تراني
بسمة" تسعد خدودك
لاتضايق أو تكدر
دامني أغلى وفودك
لأني أحبك زياده
بالوصل وإلا بصدودك
غصب عنك وغصب عني
ذبت في قطرة جمودك
لو تعاند أو تكابر
غصب أحبك لو تهاجر
الهوا ماهو غصيبه
كنت أدري وكنت خابر
بس بالقوه هويتك
وتشهد حروف المحابر
وأدري إنك فيّ مغرم
بس مو مثلي وصابر
عندك إحساس التحمل
وتمتلك حكي المشاعر
وأنا لاحبيت أذعت
حبي بأوساط المنابر
وكان ظني فيك خاطي
بأترك الدنيا وأسافر
لأني بدونك مجرد
جسم من حبه تجرد
مايحب إلا الخيال
اللي في حبك تحدد
أنت ياحلمي الجميل
غيم ماعمره تبدد
المطر نظرة عيونك
والعطا منك يتجدد
ماخلق مخلوق غيرك
أنا لرضاه أتودد
قلت أحبك وإعترفت
قلتها وأنت إقتنعت
قلتها "بصوت الكتابه"
وصوتي الصادق حبست
قلتها وكلي وضوح
لك ولغيرك إعتذرت
لو زعل ماهمني
دام على حبك حصلت
في مسافاتك مشيت
وآخر الرحله وصلت
وجيت وأنفاسي تقول
أنا أحبك لو زعلت
هذي هي كل الحكايه
أو سميها الروايه
إبتدت منك البدايه
وإنتهت فيك النهايه








ايه أحبك والله أحبك
{ كل ماشفتك ح بيبي // قال قلبي إيه أبيه