احزان مدفونه
عدد المساهمات : 68
تاريخ التسجيل : 13/06/2009
 |  موضوع: حنووووو فديتكـ  الخميس يناير 21, 2010 1:29 am | |
| صباح الخير يسعـد هالصبـاح وياصبـاح الخيـر
من شفاهك صبـاح الخيـر تطلـع سكـر زيـادة
صباح القهوة الحلوة صباحك فـي عيونـي غيـر
صبـاح العشـق لاغنـت علـى طاريـه ميـادة
صبـاح القامـة اللـي لاتثنـت ماتبـي تبـريـر
تهز عروش كل الغيـد .. وتبقـى لحالهـا غـادة
صباح يشـل تفكيـري وأحلـق خـارج التفكيـر
صبـاح ٍ مايبـي موعـد يجـي دايـم بميـعـاده
صباح أحلا دلع .. وأحلا غنج لـه داخلـي تأثيـر
صباحك وش صباحك : ماعرف وصفه ولا أبعـاده
فديت الوالدين اللـي لفـوا بـك مابهـم تقصيـر
لفوا بالفتنة .. الا ( الفاتنة ) للقلـب وأمجـاده !!
تعالي طيّـري سـرب ٍ بقلبـي يعشـق التطييـر
تعالـي سيـدة عـرش الخفـوق وقمـة أسيـاده
تعالي حرري قلـبٍ مـن همومـه يبـي تحريـر
حلف ماتسكنه عـذرا سـواك ومعلـن حـداده !!
تعالي مهرة تحـوط خفـوق وترفـض التسويـر
مثل ماحوط الإغريق قلـب ( حصـان طـروادة )
تعالي بشـرّي ( خالـد ) بيـومً يطلبـك تبشيـر
يبي بشرى وصال أبـلا أنفصـال ويعلـن أسعـاده
تعالـي فرحـي شاعـر يبيـك وخانـه التعبيـر
تلعثم ضاعت حروفه لقـى فيـك أسعـد أعيـاده
حبيبك شاعرٍ حرفـه يجيـد الوصـف والتصويـر
يبي يوصف جمالـك ياعيـون العشـق وأجـواده
فديـت الغـرٌة اللـي ليلكيٌـة قـمـة التٌحيـيـر
بها من ظلمة الليـل العتيـم اللـون وأحيـاده !!
تجي بـأول جديـل ٍ ينقسـم قسميـن ثـم يثيـر
جنـون الغيـرة العميـا بجـد الجيـل واحـفـاده
تحتها جبهتك أو مطلع الشمـس وضيـا التنويـر
على تقويـس حجـان ٍ تجـي كحـلا كـذا سـادة
تحتها رموشك الغدرى سهـوم .. ولاتبـي تنظيـر
تشكّل ( دائـرة بـرواز ) لاأحـلا عيـون صيـادة
تحتها سلة السيف (الخشم) سيـفٍ بـلا تشهيـر
شهيقه ( طلسمـة ساحـر ) زفيـره جـن ورٌادة
هنا توتٍ سكن وسـط الشفايـف وأعلـن التبذيـر
بـدا ينسـج بـذاك اللـون الاحمـر نـار وقٌـادة
بعدها دبلة الخطبة خـذت مـن مبسمـك تدويـر
ولكـن مبسمـك لـه جاذبيـة تفضـح عـنـاده
يـزوٌد جاذبيـة مبسمـك صـوتٍٍ يـرد الطـيـر
يشـك أن البشـر تأخـذ مـن التغريـد تــرداده
مرايـة جيـدك السحـري تعاتبنـي تبـي تقريـر
نسـت مـن زيٌـن الالمـاس يـوم التـم بقـلادة
بعدهـا بتـرك التفـاح يتكـلـم بــلا تكـديـر
يبي يُنشد علـى كيفـه وانـا استمتـع بإنشـاده
على خصرً تهصّـر بـه يشـح بعسـره التيسيـر
وأحسٌ الجمع يصبـح بـه مثنٌـى يكـره إفـرداه
يشيله ساقك المدمج .. أو المبـرم لـك التخييـر
على راس القدم عشر الاصابع ضمـت أحـاده !!
خلص بوقف ؟ بلاش أوصف ( قليلي ) يشبه التكثير
وصفت ولا وصلت لوصف يجمع عشـق وريـادة
أنا ماأبي سوى ( موضوع واحد ) أي (فقط لاغير)
أبى أعلن للفـرح موعـد وأجـدد عيـد ميـلاده
فديتك ياعسى قلبي وصل مسكـك وعـاف الكيـر
وارقص سكـر زيـادة علـى نغمـات ميٌـادة !!
الشـاعــر
( خالــد الرويلـــي )
منقول | |
|
