نهايه الشباب اللي يدخلون بنكات بنات

السلام عليكم ورحمة الله وبركاته

اخباركم عساكم بخير
مااطول عليكم واترككم مع القصه؟؟



جراح ويوسف ربع من زمان وتعرفون المواقف والدقات
اللي تصير بين الربع
بس هالمره الموقف اللي سواه يوسف بجراح
موقف ضيع حياة جراح
وخلونا نشوف احداث هالقصه ويابعض



جراح كان داخل الشات بنك (أدورعلى حب)والحبيب داش
جو مو طبيعي وطايح له سوالف مع بنات خلق الله؟؟
اتصل عليه صديقه يوسف ودار بينهم هالحوار؟؟
جراح:ألوووووووووو
يوسف:ألووهلا والله جراحوووووو
جراح:هلا فيك حبيبي آمرني.
يوسف:شنوآمرني تصرفني وياويهك؟
جراح :لاوالله بعدعمري إنت بس انامنهمك بالشات
أقزقز مو طبيعي يوسف وناسه القز .....
يوسف:امممممممممم خوش عيل وش نكك؟
جراح:ليه بتدخل علي؟
يوسف:لاوالله أناويني ووين الشات وين خبرك عتيق
ماقمت أدخل زهقت منه
جراح :امممم والله انا نكي (ادورعلى حب) تعرف يمكن اصيد لي رمانه
من الفواكه الموجودين بالشات
يوسف:أي رمان واي فواكه حبيبي هذول بنات مو خضره وياويهك؟
جراح:هههههههههههاااي
يوسف:أوكي حبيبي أناماشي ألحين بروح أنام تامرني على شيء
جراح:لا قلبي سلامتك نومة العوافي؟
يوسف: الله يعافيك تصبح على خير؟
جراح:وانت من أهل الخير؟
يوسف:باي ؟
جراح: بايات


طبعايوسف مافيه النوم واصحى مني ومنكم بس هو مجهز موقف ودقه
محترمه لرفيقه جراح
يوسف دخل الشات اللي فيه جراح ودخل بنك (ابي واحد يحبني)
يعنى منتحل شخصية بنت وقعدينطروينطر وياكل بطاطس وبيبسي
وانتظر لين مادخل عليه نك( ادورعلى حب)اللي هو جراح
جراح :المسكين مايدري عباله بنت من صدق
ودار بينهم هالحوار



جراح:مساء الخير
يوسف:مساء النور ياهلا
جراح:شلونش شخبارش
يوسف:الحمدالله زينه وانت شلونك
جراح:أنابخيردام انش بخير
يوسف:دوم انشاء الله مو يوم
جراح:تسلمين مااتعرفنا عليش ياحلوووووووه
يوسف:معاك شيماء وانت؟
جراح:عاشت الاسامي معاش جراح
يوسف:عاشت ايامك الله اسمك يهبل وايد حلووو ستايل
جراح:تسلمين من ذوقش مدري شلون بنام اليوم
يوسف:لاانا قلت اسمك يهبل مو انته وبعدين تنام او ماتنام كيفك؟
جراح:اوووووه ليش كذا تكسرين فيني انازعلت خلاص؟
يوسف:آسفه
جراح:لاكله واحد شيماء كم عمرك؟
يوسف:18وانت؟
جراح:19
يوسف:العمركله الله انته اكبر مني
جراح:طبعاطبعايالله روحي سوي لي بيض طماط بسرعه
يوسف:وااي حدك واثق
جراح:طبعاواثق شيومه شلون الشات معاش اليوم؟
يوسف:يعنى وبعدين تعال ليش تدلعني من عطاك الحق؟
جراح:تنساني وتروح وحده وحده حتى استوعب كلامك والجروح
يوسف:واااااي ملاقه
جراح:شيومه شيومه
يوسف:هلاخير
جراح:لابس قاعد اجرب الكيبورد
يوسف:تصدق عاد انته تهبل تونس وايد شكلك ماتحب ولاجربت الحب؟
جراح:لاوالله ماصار نصيب وبعدين ماكوااللي تستاهل احبها
يوسف:اي والله صاج بس فيه بنات شحلاتهم ويهبلون واخلاقهم وايد حلوه
جراح:اي شيومه قلتلش بس للحين ماصار نصيب
يوسف:انت ماشاء الله عليك تضحك وتونس الله يخليك حق اهلك
جراح:صج
يوسف:اي والله صج انامااحب اجامل احد
جراح:بعدعمري والله
يوسف:شنوووووو
جراح:آسف إطلعت عفويه من غيرقصد
يوسف:لاعادي
جراح:امم أنا ما أشوفش تضحكين وايد ليش؟
يوسف:اي والله صاج اناماأضحك وايد حياتي كلها تعاسه بتعاسه
جراح:أفا ليش؟
يوسف:أنت لما قلتلي بعد عمري أناوايد إستانست وماحبيت أبين لك
انه ماحد يقولي مثل هالكلام اهلي بالبيت يعاملوني كني خدامه مو بنتهم
جراح:كل هذافيش
يوسف: واكثرمن كذا؟
جراح:تصدقين ودي اسمع منش وايد سوالف ماتنمل بس انالازم اروح الحين
بس ممكن طلب؟؟؟
يوسف:تفضل
جراح:مايخالف أضفش عندي بالايميل اذاماعندش مانع
يوسف:والله مدري شاقول لك انامااضيف شباب عندي
جراح:بس انامومن هالشباب وانشاء الله ماتشوفينن مني الاكل خير
يوسف:أدري وانت مبين عليك خوش صبي وانا بضيفك ومااشوف منك قاصر
جراح:لاانشاءالله ماتشوفين مني الاكل خير
يوسف:عطني ايميلك وانااضيفك؟
جراح:أوكي هذاايميلي ؟؟؟؟؟؟؟؟؟؟ متى تضيفيني..
يوسف:انشاءالله الحين
جراح:اوكي اناطالع الحين تامريني بشيء
يوسف:سلامتك
جراح:اشوفش على خير مع السلامه
يوسف:الله يسلمك





فلم يوسف مشي على جراح المسكين
وجراح عاش بوهم ويوسف ماتاب صاريسولف مع جراح كل يوم بالمسن
وطبعايوسف للحين منتحل شخصية شيماء
وجراح المسكين عاش اجواء الحب وتولع بشيماء
وطلب يشوف صورتها والثعلب يوسف مجهز شغله مضبطه
حط حق جراح صورة بنيه حاطه شيله على راسها وهاالبنيه حلوه وايد
وجراح لماشاف الصوره لاليله ليل ولانهاره نهار
خلاص انفجر والحب سيطر عليه من كل مكان
وصار ينفذاوامر شيماء قصدي يوسف
وهالدقه اللي مسويها يوسف تتوقعون كم استمرت
سنــــــــــــــــــه كاملـــــــــــــــــــــــــــــه
ويوسف للأسف مامل من هاللعبه سبحان الله
جراح يبكي وماينام الليل من كثر الشوق واللهفه والحنين اللي فيه
وينطرمتى يصير باكر عشان يسولف مع شيماء
اقصدالوهم ويوسف الله يسامحه ميت من الضحك علي جراح

ويوسف قام يحلي اللعبه ومايشبك وطبعا جراح المسكين
يحاتي وقام يدز ايميلات ويوسف ميت من الضحك
وجراح صار واحد ثاني مايطلع من بيتهم كله جالس بداره
يتخيل صورة شيومه حبيبته يتخيل سوالفهاودلعها
وروحها الحلوه ويبكي ويبكي


بعــــــــــد شهــــــــــرين

شبك يوسف وجراح طار من الفرحه
قال حق شيوم ليش ماتشبكين وشرح لها شوقه وحنينه
وقاموا يسولفون جراح ماقدر يصبر
قال حق شيوم ابي رقمش ابي اكلمش تلفون؟
شيوم ارفضت تدرررون ليش
لانه صوتها خشن
اللي هو صوت يوسف التعبان اللي مايستحي

فقررت شيوم انهاتواعد جراح
ودار بينهم هالحوار

جراح:حياتي يعني الحين ماراح اسمع صوتش؟
يوسف:حياتي لاتزعل روحك كذااناعندي فكره؟
جراح:شنو
يوسف:وش رايك تشوفني وبكذا راح ناخذ على بعض احسن من التلفون بالف مره
جراح:من صجج انتي؟
يوسف:اي والله من صجي؟
جراح:الله ونااااااااااااااااااااااااااااسه؟
يوسف:واناوش ابي غير وناستك يابعد عمري
جراح:حياتي شيوم طيب اي مكان راح اشوفش فيه
يوسف:امممم شوف الساعه تسعه بالليل بالحديقه وش رايك؟
جراح:صار بس شنو راح تلبسين؟
يوسف:اممم راح اكون لابسه شيله ونقاب وعبايه؟
جراح:وي وي وي وي ليش كل هالعذاب
يوسف:حياتي عشان ماابي احد يشوفني
جراح:اوكي حياتي صار


جراح طبعا مايحتاج اوصف لكم شعوره
الاخ المسكين راح الصالون وماخلا شيء ماسوااااه بوجهه
صنفره ونظف وجهه وحلق وضبط شغله وكشخ
وراح الحديقه الساعه خمس
ينتظرالساعه تصير تسعه عشان يشوفها
مسكين كل هذا حب قاعد ينطر وينطر
وأخوناالشيطون الثاني يوسف
رايح بازار فحيحيل يشتري دراعه وعبايه وشيله ونقاب
قرب الموعد يوسف لبس الدراعه وتعطر من عط ر حمامهم تكرمون
ولبس الشيله والنقاب والعبايه
والخ يعنى صايد الحركه راح كحل عيونه
هههههههههههههههههاااااااااااااااااي

صارت الساعه 9 بالليل
راح يوسف الحديقه وقعد على الكرسي ونزل جراح من السياره
وغرق روحه بالعطر مسكين
ودخل الحديقه وقا م يدور على وحده لابسه عبايه ومنقبه
لقاها قاعده اخر شيء وقرب صوبها
وبدأت ساعة الصفر
وطبعا يوسف ماخلا عسل ماشربه عشان ينعم صوته
ومشت على جراح لعبت الصوت لانه منهمك بالحب
ولاركز على هالشغلات
ودار بينهم هالحوار

جراح:قـــــــــوه
يوسف :قوتيـــــــــــن ياهلا
جراح:انتي شيوم
يوسف: اي شنو ماعرفتني
جراح:لااعرفش بس حبيت اتاكد
يوسف:والحين تاكدت
جراح :اي بعد عمري تاكدت
يوسف:واااي على هالحشي الحلوووووووووو
جراح:سمعيني شيوم انااموت فيش احبش وايد وايد ولوتبيني اذبح روحي عشانش
يوسف:بعدعمري لاتقول تذبح روحك بسمله عليك
جراح:حياتي عفيه بكلمش بالتلفون
يوسف:ودي بس مقدر مقدر
جراح:ليش
يوسف :تلفوني مافيه رصيد كلش
جراح:لاياعمري اناراح اتصل عليش مو انتي
يوسف:انت ماتقدر تتصل علي لانه خطي مصفر وراح يطلع لك (لايمكن الاتصال
على المشترك حاليا)
جراح:اوكي خلاص اليوم روحي واشتري لج كرت وعبي
يوسف:من وين لي الفلوس امي وابوي مايعطوني مدري شفيهم هالايام علي
جراح:ولايهمش دقايق بروح اشتري لش كرت وبرد
يوسف:لالاماابي اكلف عليك
جراح:لاياعمري لاكلافه ولاشيء انتي مني وفيني

راح جراح يشتري كرت لشيوم
وطبعا الاخ يوسف رفع النقاب ووجهه عرق
قام يستنشق هوا وهو ميت ضحك
شاف جراح جاء من بعيد غطا وجهه
ووصل جراح
وداربينهم هالحـــــــــــــــــــوار

جراح : هاش عمري هذا الكرت
يوسف:وي وي بعد عمري مشكور ماقصرت
جراح : افاعليش كم شيومه عندي


يوسف ماقدر يستحمل فصخ النقاب والشيله وشوفوا وش صار


جراح : يو يوسف سف يوســـــف
يوسف: كــــــــــــــــــــــــاااااااااااك يالــــــــــــــخرووووووووووف
شنو تتوقعون موقف جراح

انصدم وصاروظل واقف بمكانه ومايتحرك
ورجوله تهتز ومااقادر يتحرك وطاح واغمى عليه
يوسف خاف على جراح وووداه المستشفى
وللأسف جراح جاله انهيار عصبي وصار مجنون
وظل طول عمره بالمستشفى
ضاعت حياة جراح
ولوكانت شيومه حقيقه كان شفتواحياة جراح احلى حياه
لانه الولد قصده شريف وكان ناوي الزواج
ويوسف كثر ماكان يضحك على جراح صار يبكي
وحلف انه مايسامح نفسه طول عمره
لكن بعد شنوووووووو ؟؟؟؟؟؟؟؟؟؟؟