لاتتعبني يكفي القلب مجروح

لاتتعبيني يكفي القلــــب مجـــــروح..
لاقلت احبكِ اسكتي...واسمعـــيني..

ماجيت ادوّر فيكِ لوعـــات وجــروح..
جيتكِ وأنا كلي أمل تسعـــديني..

جيتكِ وأنا كلي أحاسيس ووضـــوح..
جيتكِ أبي لو ساعةٍ تفهميــــني..

والله ماغيركِ سكن داخـل الــــروح..
ولاغيركِ أنتِ وســـط قلبي وعيني..

والعاشق اللي يعشق بصدق مفضوح..
لو جا يرد الشــــــوق لازم يبينـي..

لا تسأليني وش ورى الهم والنـــــوح..
وفي عز جرح القلب لا تســــأليني..

ياليتني أقدر على البــــوح وآبـــوح..
إن كان ماشفتي الشقا محتوينــي..

ياللي تحسبين الهوى لعب ومــــزوح..
شوفي سواة العشق والهــم فيني..

بعض الغــرام ايجيله أيـــام ويـــروح..
وأنتِ غـــرامكِ بالحشا مبتليـــني..

لاتتعـبيني يا دوى القلـب والــــروح..
لاقلت أحبكِ إسكتـــي وإحضنـــيني..